⚡ Breaking
ബ്രസ്സൽസിൽ ചരിത്രപരമായ വഴിത്തിരിവ്; ബ്രെക്സിറ്റിന് ശേഷമുള്ള പുതിയ വ്യാപാര-സഹകരണ കരാറിൽ ഒപ്പുവെച്ച് യൂറോപ്യൻ യൂണിയനും യുകെയും ബ്ലാക്ക് ഫ്രൈഡേ വിലക്കുറവിനെ 73% ഉപഭോക്താക്കളും വിശ്വസിക്കുന്നില്ല: CCPC സർവേ ഉപയോക്താക്കൾ റിപ്പോർട്ട് ചെയ്തിട്ടും നീക്കം ചെയ്യാതെ വ്യാജ ഉള്ളടക്കങ്ങൾ; ഡിജിറ്റൽ നിയമങ്ങൾ പാലിക്കാതെ ടെക് ഭീമന്മാർ അടിയന്തര സാഹചര്യങ്ങളെ നേരിടാൻ കുടുംബങ്ങളെ സജ്ജമാക്കാനുള്ള പ്രചാരണത്തിന് സർക്കാർ ചെലവഴിച്ചത് €1.2 ദശലക്ഷത്തിലധികം പൊതുമേഖലാ ശമ്പള കരാർ സ്വകാര്യ മേഖലയിലും വേതന സമ്മർദ്ദം വർദ്ധിപ്പിച്ചേക്കാം: സാമ്പത്തിക വിദഗ്ധരുടെ മുന്നറിയിപ്പ് അയർലൻഡിലെ ‘മൈൻഡിന്’ പുതിയ നേതൃത്വം: നിഷ ജോസഫ് പ്രസിഡന്റ്, സാജു കുമാർ സെക്രട്ടറി ബ്രസ്സൽസിൽ ചരിത്രപരമായ വഴിത്തിരിവ്; ബ്രെക്സിറ്റിന് ശേഷമുള്ള പുതിയ വ്യാപാര-സഹകരണ കരാറിൽ ഒപ്പുവെച്ച് യൂറോപ്യൻ യൂണിയനും യുകെയും ബ്ലാക്ക് ഫ്രൈഡേ വിലക്കുറവിനെ 73% ഉപഭോക്താക്കളും വിശ്വസിക്കുന്നില്ല: CCPC സർവേ ഉപയോക്താക്കൾ റിപ്പോർട്ട് ചെയ്തിട്ടും നീക്കം ചെയ്യാതെ വ്യാജ ഉള്ളടക്കങ്ങൾ; ഡിജിറ്റൽ നിയമങ്ങൾ പാലിക്കാതെ ടെക് ഭീമന്മാർ അടിയന്തര സാഹചര്യങ്ങളെ നേരിടാൻ കുടുംബങ്ങളെ സജ്ജമാക്കാനുള്ള പ്രചാരണത്തിന് സർക്കാർ ചെലവഴിച്ചത് €1.2 ദശലക്ഷത്തിലധികം പൊതുമേഖലാ ശമ്പള കരാർ സ്വകാര്യ മേഖലയിലും വേതന സമ്മർദ്ദം വർദ്ധിപ്പിച്ചേക്കാം: സാമ്പത്തിക വിദഗ്ധരുടെ മുന്നറിയിപ്പ് അയർലൻഡിലെ ‘മൈൻഡിന്’ പുതിയ നേതൃത്വം: നിഷ ജോസഫ് പ്രസിഡന്റ്, സാജു കുമാർ സെക്രട്ടറി
Friday, November 20, 2026
ബ്രസ്സൽസിൽ ചരിത്രപരമായ വഴിത്തിരിവ്; ബ്രെക്സിറ്റിന് ശേഷമുള്ള പുതിയ വ്യാപാര-സഹകരണ കരാറിൽ ഒപ്പുവെച്ച് യൂറോപ്യൻ യൂണിയനും യുകെയും
Europe News Malayalam

ബ്രസ്സൽസിൽ ചരിത്രപരമായ വഴിത്തിരിവ്; ബ്രെക്സിറ്റിന് ശേഷമുള്ള പുതിയ വ്യാപാര-സഹകരണ കരാറിൽ ഒപ്പുവെച്ച് യൂറോപ്യൻ യൂണിയനും യുകെയും

ബ്രെക്സിറ്റിന് ശേഷം യൂറോപ്യൻ യൂണിയനും (EU) യുണൈറ്റഡ് കിംഗ്ഡവും (UK) തമ്മിലുള്ള ബന്ധത്തിൽ ചരിത്രപരമായ പുതിയ അധ്യായത്തിന് തുടക്കം. ബെൽജിയം തലസ്ഥാനമായ ബ്രസ്സൽസിൽ നടന്ന നിർണ്ണായക ഉച്ചകോടിയിൽ ഭക്ഷ്യ-കാർഷിക വ്യാപാരം, കാർബൺ വിപണി, യുവജനങ്ങളുടെ യാത്രാ പദ്ധതി എന്നിവയുൾപ്പെടുന്ന ‘റീസെറ്റ് കരാറിന്’ (Reset Deal) ഇരുപക്ഷവും ഔദ്യോഗികമായി അംഗീകാരം നൽകി.

ബ്രിട്ടീഷ് പ്രധാനമന്ത്രി ആൻഡി ബേൺഹാം, യൂറോപ്യൻ കമ്മീഷൻ പ്രസിഡന്റ് ഉർസുല വോൺ ഡെർ ലെയൻ, യൂറോപ്യൻ കൗൺസിൽ പ്രസിഡന്റ് അന്റോണിയോ കോസ്റ്റ എന്നിവർ നടത്തിയ ചർച്ചകൾക്കൊടുവിൽ “കരാർ പൂർത്തിയായി” എന്ന് ബ്രിട്ടീഷ് പ്രധാനമന്ത്രിയുടെ ഓഫീസ് (ഡൗണിംഗ് സ്ട്രീറ്റ്) ഔദ്യോഗികമായി പ്രഖ്യാപിച്ചു. ബ്രെക്സിറ്റിന് ശേഷമുള്ള ബന്ധങ്ങളിലെ ഏറ്റവും വലിയ വഴിത്തിരിവാണിതെന്ന് ഉർസുല വോൺ ഡെർ ലെയൻ വിശേഷിപ്പിച്ചു. പുതിയ കരാറിലൂടെ ബ്രിട്ടീഷ് സമ്പദ്‌വ്യവസ്ഥയ്ക്ക് (GDP) 0.5 ശതമാനത്തിന്റെ അധിക വളർച്ചയുണ്ടാകുമെന്നും സൂപ്പർമാർക്കറ്റുകളിലെ ഭക്ഷ്യവസ്തുക്കളുടെ വില കുറയ്ക്കാൻ സാധിക്കുമെന്നും ആൻഡി ബേൺഹാം വ്യക്തമാക്കി.

കരാറിലെ മൂന്ന് പ്രധാന മേഖലകൾ

വ്യാപാര തടസ്സങ്ങൾ നീക്കുന്നതിനും സാമ്പത്തിക സഹകരണം ശക്തമാക്കുന്നതിനുമായി മൂന്ന് സുപ്രധാന മേഖലകളിലാണ് കരാർ ഒപ്പുവെച്ചിരിക്കുന്നത്:

  • ഭക്ഷ്യ-കാർഷിക കരാർ (SPS Deal): ഗ്രേറ്റ് ബ്രിട്ടൻ, നോർത്തേൺ അയർലൻഡ്, യൂറോപ്യൻ യൂണിയൻ എന്നിവയ്ക്കിടയിലുള്ള ഭക്ഷ്യവസ്തുക്കൾ, സസ്യങ്ങൾ, കാർഷിക ഉൽപ്പന്നങ്ങൾ എന്നിവയുടെ കയറ്റുമതിയിലുള്ള കർശന അതിർത്തി പരിശോധനകളും നൂലാമാലകളും ഒഴിവാക്കും. 2028 മാർച്ച് 1-ഓടെ പൂർണ്ണമായി നടപ്പിലാകുന്ന ഈ കരാറിലൂടെ ബ്രിട്ടീഷ് ഉൽപ്പന്നങ്ങളിലെ ‘നോട്ട് ഫോർ ഇ.യു’ (Not for EU) മുന്നറിയിപ്പ് ലേബലുകൾ നീക്കം ചെയ്യപ്പെടും.
  • കാർബൺ വിപണി സംയോജനം (ETS Link): യുകെയുടെയും ഇ.യുവിന്റെയും എമിഷൻസ് ട്രേഡിംഗ് സിസ്റ്റങ്ങൾ തമ്മിൽ ബന്ധിപ്പിക്കാൻ ധാരണയായി. ഇതിലൂടെ ബ്രിട്ടന് പ്രതിവർഷം 3.8 ബില്യൺ പൗണ്ടിന്റെ സാമ്പത്തിക നേട്ടമുണ്ടാകുമെന്നും സ്റ്റീൽ, അലുമിനിയം കയറ്റുമതികളെ യൂറോപ്യൻ കാർബൺ നികുതിയിൽ നിന്ന് സംരക്ഷിക്കാനാകുമെന്നും വിലയിരുത്തപ്പെടുന്നു.
  • യുവജന മൊബിലിറ്റി പദ്ധതി: 18 നും 30 നും ഇടയിൽ പ്രായമുള്ള യുവതീയുവാക്കൾക്ക് പരസ്പരം ഇരുപ്രദേശങ്ങളിലും മൂന്ന് വർഷം വരെ താമസിക്കാനും ജോലി ചെയ്യാനും പഠിക്കാനും അവസരമൊരുക്കുന്ന പദ്ധതിയാണിത്. 2028-നും 2030-നും ഇടയിൽ ഘട്ടംഘട്ടമായി നടപ്പിലാക്കുന്ന ഈ പദ്ധതിയിൽ ആളുകളുടെ എണ്ണത്തിന് കർശന പരിധിയുണ്ടായിരിക്കും.

സർവ്വകലാശാല ട്യൂഷൻ ഫീസ് തർക്കവും ഉപാധികളും

മൂന്ന് പ്രധാന മേഖലകളിൽ ധാരണയായെങ്കിലും, ബ്രിട്ടീഷ് സർവ്വകലാശാലകളിൽ പഠിക്കുന്ന യൂറോപ്യൻ യൂണിയൻ വിദ്യാർത്ഥികളുടെ ട്യൂഷൻ ഫീസ് കുറയ്ക്കുന്ന കാര്യത്തിൽ അന്തിമ തീരുമാനമായിട്ടില്ല. ബ്രിട്ടീഷ് വിദ്യാർത്ഥികൾക്ക് തുല്യമായ നിരക്കിൽ യൂറോപ്യൻ വിദ്യാർത്ഥികൾക്കും പഠനസൗകര്യം നൽകണമെന്നാണ് ഇ.യുവിന്റെ ആവശ്യം.

ഈ വിഷയത്തിൽ സമവായത്തിലെത്താൻ ഇരുപക്ഷവും ആറ് മാസത്തെ സമയപരിധി നിശ്ചയിച്ചിട്ടുണ്ട്. ട്യൂഷൻ ഫീസ് കാര്യത്തിൽ അന്തിമ കരാറായാൽ മാത്രമേ മറ്റ് മൂന്ന് കരാറുകളും ഔദ്യോഗികമായി പ്രാബല്യത്തിൽ വരുകയുള്ളൂ എന്ന് യൂറോപ്യൻ യൂണിയൻ വൃത്തങ്ങൾ വ്യക്തമാക്കി. എന്നാൽ 2028-ൽ കരാറുകൾ നടപ്പിലാക്കുന്നതിന് മുൻപ് തന്നെ ഫീസ് വിഷയത്തിൽ രമ്യമായ പരിഹാരമുണ്ടാകുമെന്ന് ബ്രിട്ടീഷ് ഉദ്യോഗസ്ഥർ ആത്മവിശ്വാസം പ്രകടിപ്പിച്ചു.

കുടിയേറ്റ നിയന്ത്രണവും അയർലൻഡിന്റെ നേട്ടങ്ങളും

അനധികൃത കുടിയേറ്റം തടയുന്നതിനും അഭയാർത്ഥികളെ മൂന്നാം രാജ്യങ്ങളിലേക്ക് തിരിച്ചയക്കുന്ന കാര്യത്തിൽ സംയുക്ത ചർച്ചകൾ നടത്തുന്നതിനും ഉച്ചകോടിയിൽ ധാരണയായി. അതേസമയം യൂറോപ്യൻ യൂണിയനിലേക്കോ സിംഗിൾ മാർക്കറ്റിലേക്കോ തിരികെ പോകില്ലെന്ന് ബ്രിട്ടൻ ആവർത്തിച്ചു. നിലവിൽ യൂറോപ്യൻ യൂണിയൻ അധ്യക്ഷ പദവി വഹിക്കുന്ന അയർലൻഡിനെ സംബന്ധിച്ചിടത്തോളം, ഈ കരാർ ഇരുരാജ്യങ്ങളും തമ്മിലുള്ള വ്യാപാരത്തിനും വിതരണ ശൃംഖലയ്ക്കും വലിയ ഉണർവ് നൽകും.

Chief Editor
Correspondent