ദുബൈ: ഇറാന്-ഇസ്രാഈല്- അമേരിക്ക സംഘര്ഷം രൂക്ഷമായതോടെ മുന്കരുതല് നടപടികളുടെ ഭാഗമായി ബുര്ജ് ഖലീഫ ഒഴിപ്പിച്ച് ദുബൈ ഭരണകൂടം. ദുബൈയിലെ യുഎസ് സൈനിക താവളങ്ങള് ലക്ഷ്യമാക്കി ഇറാന് മിസൈല് ആക്രമണം നടത്തിയെന്ന റിപ്പോര്ട്ടുകള്ക്ക് പിന്നാലെയാണ് ഒഴിപ്പിക്കല്.
ദുബൈക്ക് പുറമെ അബൂദബിയിലും, ദോഹയിലും, റിയാദിലുമുള്ള യുഎസ് സൈനിക താവളങ്ങള് ഇറാന് ആക്രമിച്ചിരുന്നു. ദുബൈ സിറ്റിയില് സ്ഫോടന ശബ്ദം കേട്ടതായും, മിസൈല് വര്ഷം കണ്ടതായും പ്രദേശ വാസികള് റിപ്പോര്ട്ട് ചെയ്തു. അബുദബിയിലുണ്ടായ ഇറാന് ആക്രമണത്തില് ഏഷ്യന് വംശജനായ ഒരാള് കൊല്ലപ്പെട്ടതായി യുഎഇ പ്രതിരോധ മന്ത്രാലയം അറിയിച്ചു.
