ബെൽഫാസ്റ്റ്, യുകെ ∙ ഭാര്യയെ തീകൊളുത്തി കൊലപ്പെടുത്താൻ ശ്രമിച്ച മലയാളി യുവാവ് അറസ്റ്റിൽ. നോർത്തേൺ അയർലൻഡ് ആൻട്രിം ഓക്ട്രീ ഡ്രൈവിൽ ജോസ്മോൻ ശശി പുഴക്കേപറമ്പിൽ (29) ആണ് പിടിയിലായത്. ഇയാൾക്കെതിരെ വധശ്രമത്തിനും ഗാർഹിക പീഡനത്തിനും പോലീസ് കേസെടുത്തു.
കഴിഞ്ഞ മാസം 26ന് രാത്രി 10 മണിയോടെയാണ് ഇവർ താമസിച്ചിരുന്ന വീടിന് ജോസ്മോൻ തീകൊളുത്തിയത്. ശരീരത്തിൽ 25 ശതമാനം പൊള്ളലേറ്റ നിലയിലാണ് യുവതിയെ കണ്ടെത്തിയത്.
അതേസമയം, ഭർത്താവിനെതിരെ യുവതി പരാതി നൽകിയിട്ടില്ല. ജോസ്മാൻ്റെ ജാമ്യാപേക്ഷ ക്രൗൺ കോടതി തള്ളി. കേസിൻ്റെ വിചാരണ ഒക്ടോബർ 22ന് തുടരും.
