ഒക്ടോബർ ബാങ്ക് ഹോളിഡേ വാരാന്ത്യ റോഡ് സുരക്ഷാ കാമ്പയിനിൽ നിരവധി അറസ്റ്റുകൾ

ഒക്‌ടോബർ ബാങ്ക് ഹോളിഡേ വാരാന്ത്യ റോഡ് സുരക്ഷാ കാമ്പയിന്റെ ഭാഗമായി മദ്യപിച്ചോ മയക്കുമരുന്ന് ഉപയോഗിച്ചോ വാഹനമോടിച്ചതിന് 173 പേരെ അറസ്റ്റ് ചെയ്തു.

ഇന്നലെ രാവിലെ വരെയുള്ള 24 മണിക്കൂറിനിടെ മാത്രം ലഹരിയിൽ വാഹനമോടിച്ചതിന് 56 പേർ പിടിയിലായി. വ്യാഴാഴ്ച രാവിലെ 7 മുതൽ രാജ്യത്തുടനീളം 1,000-ത്തിലധികം ഡ്രൈവർമാർ അമിത വേഗതയിൽ വാഹനമോടിക്കുന്നത് കണ്ടെത്തിയതായും ഗാർഡാ പറയുന്നു. അതേസമയം, അമിതവേഗതയ്ക്ക് 324 ഫിക്സഡ് ചാർജ് പെനാൽറ്റി നോട്ടീസുകളും ഗാർഡായി പുറപ്പെടുവിച്ചു.

2023-ൽ ഐറിഷ് റോഡുകളിൽ ഇതുവരെ 157-ഓളം പേരാണ് കൊല്ലപ്പെട്ടത്. ഈ കണക്കുകൾ 2022 ലെ മൊത്തം മരണങ്ങളെക്കാൾ കൂടുതലാണ്.

സെപ്റ്റംബറിൽ റോഡ്‌സ് പോലീസിംഗ് യൂണിറ്റിലേക്ക് 655 ഉദ്യോഗസ്ഥരെ അനുവദിച്ചിരുന്നു. കണക്കുകൾ പ്രകാരം, 2009 നെ അപേക്ഷിച്ച് റോഡ് പോലീസിംഗിൽ പ്രത്യേകമായി പ്രവർത്തിക്കുന്ന ഗാർഡായികളുടെ എണ്ണം 37% കുറഞ്ഞു. 2009-ൽ യൂണിറ്റിൽ 1,046 അംഗങ്ങൾ ജോലി ചെയ്തിരുന്നെങ്കിൽ, കഴിഞ്ഞ മാസം ഇത് 655 ആയിരുന്നു.