സംഭവം എറണാകുളം നോര്ത്ത് സ്റ്റേഷനില്. പൊലീസിനെതിരെ അസഭ്യവര്ഷമെന്നും ആരോപണം. വിനായകനെ ജനറല് ആശുപത്രിയില് പരിശോധനയ്ക്ക് എത്തിച്ചു.
വിനായകനെ വൈദ്യ പരിശോധനയ്ക്ക് വിധേയനാക്കുമെന്ന് പോലീസ് അറിയിച്ചു. മദ്യലഹരിയില് സ്റ്റേഷനിലെത്തി ബഹളമുണ്ടാക്കി സ്റ്റേഷന്റെ പ്രവര്ത്തനം തടസപ്പെടുത്തിയെന്ന് ആരോപിച്ചാണ് കേസെടുത്തിരിക്കുന്നത്.
നേരത്തെ അന്തരിച്ച മുന് മുഖ്യമന്ത്രി ഉമ്മന് ചാണ്ടിയെ അധിക്ഷേപിച്ച് പരാമര്ശം നടത്തിയെന്ന സംഭവത്തില് വിവാദങ്ങള്ക്ക് പിന്നാലെയാണ് പുതിയ കേസ്. ഉമ്മന് ചാണ്ടിയെ അപകീര്ത്തിപ്പെടുത്തി എന്ന കേസില് വിനായകനെ പോലീസ് ചോദ്യം ചെയ്യുകയും ഫോണ് കസ്റ്റഡിയിലെടുക്കുകയും ചെയ്തിരുന്നു.
മേയ് 27ന് ഗോവയില് നിന്ന് കൊച്ചിയിലേക്കുള്ള യാത്രയില് വിമാനത്തില് കയറുന്നതിനിടെ വിനായകന് മോശമായി പെരുമാറിയെന്ന പരാതിയും വിനായകനെതിരെ ഉയര്ന്നിരുന്നു. സംഭവത്തില് ഹൈക്കോടതി നടന് നോട്ടീസും അയച്ചിരുന്നു.
