ന്യൂഡൽഹി: ഇന്ത്യയിലേക്ക് വരുന്ന വിദേശ പൗരന്മാർക്ക് ഇമിഗ്രേഷൻ നടപടികൾ കൂടുതൽ എളുപ്പമാക്കുന്നതിനായി ഇ-അറൈവൽ കാർഡ് (E-Arrival Card) സംവിധാനം നിലവിൽ വന്നു. ഒക്ടോബർ 1 മുതൽ ഈ പുതിയ മാർഗ്ഗം പ്രാബല്യത്തിൽ വന്നതോടെ, വിമാനത്താവളങ്ങളിലെ ഇമിഗ്രേഷൻ കൗണ്ടറുകളിലെ കാലതാമസം ഒഴിവാക്കാനും യാത്ര സുഗമമാക്കാനും സാധിക്കും.
പുതിയ പരിഷ്കാരം അനുസരിച്ച്, വിദേശികൾ ഇനി നിലവിലുള്ള ഫിസിക്കൽ disembarkation കാർഡുകൾ (ഇറങ്ങുമ്പോൾ പൂരിപ്പിച്ചു നൽകുന്ന കാർഡുകൾ) പൂരിപ്പിച്ച് നൽകേണ്ടതില്ല. പകരം, ജോലി, ടൂറിസം, പഠനം, ബിസിനസ്സ് തുടങ്ങിയ ആവശ്യങ്ങൾക്കായി ഇന്ത്യയിൽ എത്തുന്ന എല്ലാ വിദേശ പൗരന്മാർക്കും ഡിജിറ്റൽ അറൈവൽ കാർഡുകൾ ഓൺലൈനായി സമർപ്പിക്കാൻ അവസരമുണ്ടാകും.
ഇ-അറൈവൽ കാർഡിൽ ഉൾപ്പെടുത്തേണ്ട വിവരങ്ങൾ:
- പാസ്‌പോർട്ട് നമ്പർ
- ദേശീയത
- സന്ദർശനത്തിന്റെ ഉദ്ദേശ്യം
- ഇന്ത്യയിലെ വിലാസം
- ബന്ധപ്പെടാനുള്ള വിവരങ്ങൾ
ഈ കാർഡ് പൂരിപ്പിക്കാനായി യാതൊരു രേഖകളും അപ്‌ലോഡ് ചെയ്യേണ്ടതില്ല എന്നത് നടപടിക്രമങ്ങൾ ലളിതമാക്കുന്നു.
