ലിവർപൂൾ/കോട്ടയം — യുകെയിൽ മലയാളി നഴ്‌സ് അന്തരിച്ചു. ലിവർപൂളിലെ എൻട്രി യൂണിവേഴ്‌സിറ്റി ഹോസ്‌പിറ്റലിൽ നഴ്സായ മോളിക്കുട്ടി ഉമ്മൻ (64) ആണ് മരിച്ചത്. ഓഗസ്‌റ്റ് 29-ന് വൈകുന്നേരം 6 മണിക്ക് പെട്ടെന്നുണ്ടായ ശാരീരിക അസ്വസ്‌ഥതകളെ തുടർന്ന് ലിവർപൂൾ എൻഎച്ച്എസ് ഹോസ്‌പിറ്റലിൽ പ്രവേശിപ്പിക്കുകയായിരുന്നു. ചികിത്സയിലിരിക്കെ കഴിഞ്ഞ ദിവസം ഉച്ചയ്ക്ക് 12.15-നാണ് മരണം സംഭവിച്ചത്.
കോട്ടയം നെടുംകുന്നം പുന്നവേലി സ്വദേശിനിയും പുതുപ്പള്ളി പയ്യപ്പാടി പാലയ്ക്കൽ കുടുംബാംഗവുമാണ് മോളിക്കുട്ടി ഉമ്മൻ. 2002-ലാണ് അവർ യുകെയിൽ എത്തിയത്. പുന്നവേലിൽ പി.കെ. ഉമ്മനാണ് ഭർത്താവ്. മെജോ ഉമ്മൻ, ഫിൽജോ ഉമ്മൻ എന്നിവരാണ് മക്കൾ. മരുമകൾ: ഡാലിയ ഉമ്മൻ.
ലിവർപൂൾ കർമ്മേൽ മാർത്തോമ്മാ പള്ളി ഇടവകാംഗമായ മോളിക്കുട്ടിയുടെ സംസ്കാരം പിന്നീട് യുകെയിൽ തന്നെ നടത്തുമെന്ന് കുടുംബാംഗങ്ങൾ അറിയിച്ചു. നാട്ടിൽ പുന്നവേലി സെന്റ് തോമസ് മാർത്തോമ്മാ പള്ളി ഇടവകാംഗമാണ്.
