പാർലമെന്റിൽ നാസികൾക്ക് വേണ്ടി പോരാടിയ ആൾക്ക് കാനഡ പ്രധാനമന്ത്രിയുടെ കൈയ്യടി; വിമർശനം

കനേഡിയൻ പ്രധാനമന്ത്രി ജസ്റ്റിൻ ട്രൂഡോയും മറ്റ് നിയമനിർമ്മാതാക്കളും ലോകമഹായുദ്ധകാലത്ത് നാസികൾക്ക് വേണ്ടി പോരാടിയ യാരോസ്ലാവ് ഹുങ്കയ്ക്ക് പാർലമെന്റിൽ കൈയ്യടി നൽകിയതിന് വിമർശിക്കപ്പെട്ടു. ഹൗസ് ഓഫ് കോമൺസിൽ ഉക്രെയ്ൻ പ്രസിഡന്റ് വോളോഡിമർ സെലെൻസ്‌കി നടത്തിയ പ്രസംഗത്തിന് ശേഷമാണ് ഹുങ്കയെ യുദ്ധവീരനായി അവതരിപ്പിച്ചത്. ഹൗസ് സ്പീക്കർ പിന്നീട് കാനഡയിലും ലോകമെമ്പാടുമുള്ള ജൂത സമൂഹങ്ങളോട് മാപ്പ് പറഞ്ഞു.