അയർലൻഡിലെ ആറ് കൗണ്ടികളിൽ ശക്തമായ മഴയ്ക്കും ഇടിമിന്നലിനും സാധ്യതയുള്ളതിനാൽ മെറ്റ് ഏറൻ (Met Éireann) ഇന്ന് സ്റ്റാറ്റസ് യെല്ലോ ജാഗ്രതാ നിർദേശം പുറപ്പെടുവിച്ചു.
കോർക്ക്, കാർലോ, കിൽക്കെന്നി, വാട്ടർഫോർഡ്, വെക്സ്ഫോർഡ്, വിക്ലോ എന്നീ കൗണ്ടികളിലാണ് ഇന്ന് വ്യാഴാഴ്ച ഉച്ചയ്ക്ക് 12 മണി മുതൽ മുന്നറിയിപ്പ് പ്രാബല്യത്തിൽ വരുന്നത്. ഈ മുന്നറിയിപ്പ് വെള്ളിയാഴ്ച പുലർച്ചെ 3 മണി വരെ തുടരും.
റോഡ് യാത്രക്കാർക്ക് ജാഗ്രതാ നിർദേശം മഴ ശക്തമാകുന്നതോടെ പ്രാദേശികമായി വെള്ളക്കെട്ടുകൾ രൂപപ്പെടാനും കാഴ്ചാപരിധി കുറഞ്ഞ് റോഡ് ഗതാഗതം ദുഷ്കരമാകാനും സാധ്യതയുണ്ട്. കനത്ത മഴയ്ക്കൊപ്പം ചിലയിടങ്ങളിൽ ശക്തമായ ഇടിമിന്നലും ഉണ്ടായേക്കാമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ക്ലെയർ, കെറി, ലിമെറിക് കൗണ്ടികളിൽ കഴിഞ്ഞ ദിവസം നിലവിലുണ്ടായിരുന്ന ഇടിമിന്നൽ മുന്നറിയിപ്പ് അവസാനിച്ചതിന് പിന്നാലെയാണ് പുതിയ അലർട്ട് പ്രഖ്യാപിച്ചത്.
മറ്റു കൗണ്ടികളിലെ കാലാവസ്ഥ തെക്കൻ, കിഴക്കൻ മേഖലകളിൽ മഴ കനക്കുമ്പോൾ, പടിഞ്ഞാറൻ, വടക്ക്-പടിഞ്ഞാറൻ കൗണ്ടികളിൽ പൊതുവെ വരണ്ടതും താരതമ്യേന ചൂടുള്ളതുമായ കാലാവസ്ഥയായിരിക്കും. ഈ ഭാഗങ്ങളിൽ താപനില 18 മുതൽ 24 ഡിഗ്രി സെൽഷ്യസ് വരെ ഉയർന്നേക്കാം.
വരും ദിവസങ്ങളിലും വാരാന്ത്യത്തിലും അയർലൻഡിൽ അസ്ഥിരമായ കാലാവസ്ഥ തുടരുമെന്നും ഇടവിട്ടുള്ള മഴയ്ക്കും ഇടിമിന്നലിനും സാധ്യതയുണ്ടെന്നും മെറ്റ് ഏറൻ വ്യക്തമാക്കി.
