സോഷ്യൽ വെൽഫയർ – ക്രിസ്മസിനും പുതുവർഷത്തിനും ഉള്ള പുതിയ പേയ്മെന്റ് തീയതികൾ പ്രസിദ്ധീകരിച്ചു

സാമൂഹ്യക്ഷേമ സ്വീകർത്താക്കൾക്ക് ക്രിസ്മസ് കാലയളവായതിനാൽ നേരത്തെയുള്ള പേയ്‌മെന്റുകൾ സ്വീകരിക്കാൻ കഴിയും.

പ്രതിവാര സാമൂഹ്യക്ഷേമ പേയ്‌മെന്റുകൾ ഈ ആഴ്‌ച പതിവുപോലെ നൽകുമെങ്കിലും അടുത്ത ആഴ്‌ചയിലെ പേയ്‌മെന്റുകൾ നേരത്തെ നൽകും. ഡിസംബർ 18, 19, 20, 21, 22 തീയതികളിൽ അടയ്‌ക്കേണ്ട പേയ്‌മെന്റുകൾ സാധാരണ രീതിയിൽ നടത്തുകയും ഡിസംബർ 23, 24, 25 തീയതികളിലെ പേയ്‌മെന്റുകൾ ഡിസംബർ 22 ന് നടത്തുകയും ചെയ്യും.

പുതുവത്സര ദിനത്തിൽ കിട്ടേണ്ട വെൽഫയർ സംഖ്യ ഡിസംബർ 29-ന് നടക്കും. സോഷ്യൽ പ്രൊട്ടക്ഷൻ ഡിപ്പാർട്ട്‌മെന്റ് അവരുടെ വെബ്‌സൈറ്റിലെ ഒരു അറിയിപ്പിൽ പറഞ്ഞു: “നിങ്ങൾക്ക് പ്രതിവാര സോഷ്യൽ വെൽഫെയർ പേയ്‌മെന്റ് ലഭിക്കുകയാണെങ്കിൽ, ഡിസംബർ 18 തിങ്കളാഴ്ച ആരംഭിക്കുന്ന ആഴ്‌ചയിൽ നിങ്ങളുടെ പേയ്‌മെന്റും തുടർന്നുള്ള ആഴ്‌ചയിലെ അഡ്വാൻസ്‌ഡ് പേയ്‌മെന്റും നിങ്ങൾക്ക് ലഭിക്കും.