സ്ലൈഗോ: സ്ലൈഗോയില് മരണപ്പെട്ട തിരുവല്ല വള്ളംകുളം സ്വദേശിയും ഗീവായിൽ താമസക്കാരനുമായ അനീഷ് ടി. പി. (41) യ്ക്ക് ആദരാഞ്ജലിയര്പ്പിക്കാന് സ്ലൈഗോയിലെ ഇന്ത്യൻ സമൂഹം. ആഗസ്റ്റ് 14-ന് ഗീവായിലെവീട്ടില് വെച്ച് അപ്രതീക്ഷിതമായ സാഹചര്യത്തിലാണ് അനീഷ് മരണപ്പെട്ടത്.
ഓഗസ്റ്റ് 17-ന് (നാളെ -ഞായര്) ഉച്ചയ്ക്ക് 2 മുതല് 4 വരെ സ്ലൈഗോയിലെ നസറത്ത് ഹൗസ് ചാപ്പലില് (Nazareth House Chapel, F91 DD72) പരേതന്റെ ഭൗതീകദേഹം പൊതുദര്ശനത്തിന് വെയ്ക്കും. നടത്തപ്പെടും.
കഴിഞ്ഞ കുറച്ച് വര്ഷങ്ങളായി ക്ലൂനമഹോണ് ലേണിംഗ് ഡിസബിലിറ്റി സര്വീസസില് ഹെല്ത്ത്കെയര് അസിസ്റ്റന്റായി ജോലി ചെയ്തുവരികയായിരുന്ന അനീഷ് ,മരണപ്പെട്ടത്തിനുണ്ടായ കാരണം ഗാര്ഡ അന്വേഷിച്ചു വരികയാണ്. മാനസിക സംഘര്ഷത്തിലായിരുന്നു അനീഷ് എന്നും പറയപ്പെടുന്നു.
കുടുംബാംഗങ്ങളുടെയും ഉറ്റവരുടെയും ആഗ്രഹപ്രകാരം ,അനീഷിന്റെ മൃതദേഹം പിന്നീട് നാട്ടിലേക്ക് കൊണ്ടുപോകാനുള്ള ക്രമീകരണങ്ങള് സ്ലൈഗോയിലെ ഇന്ത്യന് സമൂഹത്തിന്റെ ആഭിമുഖ്യത്തില് നടന്നുവരുന്നുണ്ട്.
അനീഷിന്റെ മരണാന്തര ചടങ്ങുകൾക്കും മൃതദേഹം നാട്ടിലേക്ക് കൊണ്ടുപോകുന്നതിനും ഉള്ള പണം സമാഹരിക്കുന്നതിനായി ഇന്ത്യൻ കമ്മ്യൂണിറ്റി ഒരു ഗോഫണ്ട്മി പേജ് തയാറാക്കിയിട്ടുണ്ട്.സുമനസുകൾക്കു അവരാൽ കഴിയും വിധം അതിലേക്കു സംഭാവന ചെയ്യാം
