അടുത്തയാഴ്ച മുതൽ 16 വയസ്സിന് താഴെയുള്ള കുട്ടികൾക്ക് അയർലണ്ടിൽ പൊതുസ്ഥലങ്ങളിൽ ഇ-സ്കൂട്ടറുകൾ ഓടിക്കാൻ അനുവാദമില്ല. ഗതാഗത മന്ത്രി ഇമോൺ റയാൻ ആണ് സ്കൂട്ടറുകളുമായി ബന്ധപ്പെട്ട പുതിയ നിയമങ്ങൾ അവതരിപ്പിച്ചത്
ഇനി മുതൽ എല്ലാ ഇ-സ്കൂട്ടറുകൾക്കും മണിക്കൂറിൽ 20 കി.മീ വേഗത പരിധി ഉണ്ടായിരിക്കും. ഇ-സ്കൂട്ടറുകൾക്ക് ഒന്നിൽ കൂടുതൽ ആളുകളെ കൊണ്ടുപോകാൻ അനുവാദമുണ്ടാകില്ല. കൂടാതെ, ഇ-സ്കൂട്ടറുകൾക്ക് സീറ്റുകൾ ഉണ്ടാകാനും പാടില്ല. ഇ-സ്കൂട്ടറുകളിൽ ബ്രേക്കുകൾക്കും ലൈറ്റുകൾക്കും ഇനി മുതൽ നിർബന്ധമാണ്.
കഴിഞ്ഞ വർഷം 220-ലധികം ഇ-സ്കൂട്ടർ അപകടങ്ങൾ പോലീസ് രേഖപ്പെടുത്തി. അതിൽ 54 എണ്ണം ഗുരുതരമായ പരിക്കുകളോ മരണങ്ങളോ ഉണ്ടാക്കി. ആഴ്ചയിൽ ശരാശരി 14 എന്ന നിരക്കിലാണ് ഈ അപകടങ്ങൾ നടന്നത്.
എന്നിരുന്നാലും, ഈ പുതിയ നിയമങ്ങൾ ഫലപ്രദമായി നടപ്പിലാക്കാൻ ഗാർഡക്ക് കഴിയുമോ എന്ന് ചിലർക്ക് ഉറപ്പില്ല. ലേബർ പാർട്ടിയുടെ ട്രാൻസ്പോർട്ട് വക്താവ് ഡങ്കൻ സ്മിത്ത്, ഇതിന് മതിയായ ഗാർഡ വിഭവങ്ങൾ ഉണ്ടോ എന്ന് സംശയം ഉന്നയിച്ചു. ഇന്ന് വൈകുന്നേരത്തോടെ ഗാർഡ കമ്മീഷണറോട് ഇക്കാര്യം അന്വേഷിക്കാൻ അദ്ദേഹം പദ്ധതിയിടുന്നു.
എൻഫോഴ്സ്മെൻ്റിനെക്കുറിച്ച് സംശയങ്ങൾ ഉണ്ടെങ്കിലും, ഇ-സ്കൂട്ടറുകൾ നിയന്ത്രിക്കുന്നത് നല്ല ആശയമാണെന്ന് പലരും സമ്മതിക്കുന്നു.
