ചൈൽഡ് ബെനിഫിറ്റ് എക്സ്റ്റൻഷൻ 19 വയസ്സിന് താഴെയുള്ള എല്ലാ ആശ്രിതരായ കുട്ടികളിലേക്ക് വിപുലീകരിക്കുന്നു. കൂടാതെ മുൻപ് നിശ്ചയിച്ചതിലും നേരത്തെ ആനുകൂല്യം എത്തിക്കാനുള്ള നടപടികളും ആരംഭിച്ചിട്ടുണ്ട്.
മുഴുവൻ സമയ വിദ്യാഭ്യാസത്തിലോ വൈകല്യമുള്ളവരോ ആയ യോഗ്യരായ 18 വയസ്സുള്ള എല്ലാ കുട്ടികൾക്കും ഈ നടപടി ബാധകമാകും.
ഒരു കുട്ടിക്ക് €140 എന്ന പ്രതിമാസ പേയ്മെൻ്റ് ഇപ്പോൾ മെയ് ആദ്യം മുതൽ നൽകും. അതായത് ഈ വർഷം മൊത്തം 1,120 യൂറോയുടെ ആനുകൂല്യം കുടുംബങ്ങൾക്ക് ലഭിക്കും.
കുട്ടികളുടെ ആനുകൂല്യം മിക്ക സന്ദർഭങ്ങളിലും അമ്മയ്ക്കാണ് നൽകുന്നത്.
സോഷ്യൽ പ്രൊട്ടക്ഷൻ മന്ത്രി ഹീതർ ഹംഫ്രീസ് ഈ നടപടിക്ക് ഇന്ന് കാബിനറ്റ് അനുമതി തേടും.
നിലവിൽ 18 വയസ്സുള്ള 60,000 കുട്ടികളുടെ കുടുംബങ്ങൾക്ക് പ്രയോജനം ലഭ്യമാക്കുന്നതിനാണ് ഈ നീക്കം.
കഴിഞ്ഞ വർഷത്തെ ബജറ്റ് പ്രകാരം 2024 സെപ്റ്റംബറിൽ 19 വയസ്സ് തികയുന്ന കുട്ടികൾക്കായിരുന്നു ആനുകൂല്യം നൽകാൻ പദ്ധതിയിട്ടിരുന്നത്.
എന്നിരുന്നാലും, മേയ് 1 മുതൽ ഈ നടപടി നടപ്പിലാക്കാൻ സോഷ്യൽ പ്രൊട്ടക്ഷൻ ഡിപ്പാർട്ട്മെൻ്റ് ഇപ്പോൾ സജ്ജമാണെന്ന് ഹംഫ്രീസ് ഇന്ന് കാബിനറ്റ് സഹപ്രവർത്തകരെ അറിയിക്കും.
മാറ്റങ്ങളുടെ പ്രവർത്തനങ്ങൾ വേഗത്തിലാക്കാൻ മിസ് ഹംഫ്രീസ് തൻ്റെ വകുപ്പിലെ ഉദ്യോഗസ്ഥർക്ക് നിർദ്ദേശം നൽകിയതായി മനസ്സിലാക്കുന്നു.
കുട്ടി മുഴുവൻ സമയ വിദ്യാഭ്യാസത്തിലാണെങ്കിലോ, ഡിപ്പാർട്ട്മെൻ്റിൻ്റെ നിലവിലെ വിദ്യാഭ്യാസ സർട്ടിഫിക്കറ്റ് കൈവശമുണ്ടെങ്കിലോ രക്ഷിതാവ്/രക്ഷകർ വീണ്ടും ഈ ആനുകൂല്യത്തിനായി അപേക്ഷിക്കേണ്ടതില്ല. സർട്ടിഫിക്കറ്റ് സാധുതയുള്ളിടത്തോളം കാലം 2024 മെയ് മുതൽ പേയ്മെൻ്റ് വീണ്ടും സജീവമാകും, കൂടാതെ സാധുവായ വിദ്യാഭ്യാസ സർട്ടിഫിക്കറ്റ് ഉള്ളിടത്തോളം കാലം അല്ലെങ്കിൽ കുട്ടിക്ക് 19 വയസ്സ് തികയുന്നതുവരെ (ഏതാണോ ആദ്യം വരുന്നത്) പേയ്മെൻ്റ് തുടരും.
2024 മെയ് മാസത്തിന് ശേഷം കുട്ടിക്ക് 18 വയസ്സ് തികയുകയാണെങ്കിൽ, കുട്ടിയുടെ ആനുകൂല്യം സ്വയമേവ 19-ാം ജന്മദിനത്തിലേക്കോ നിലവിലെ സർട്ടിഫിക്കറ്റിൻ്റെ കാലഹരണ തീയതിയിലേക്കോ നീട്ടപ്പെടും.
പുതുക്കിയ വിദ്യാഭ്യാസ സർട്ടിഫിക്കറ്റ് നൽകണമെങ്കിൽ, രക്ഷിതാക്കളുമായി വകുപ്പ് നേരിട്ട് ബന്ധപ്പെടും.
പേയ്മെൻ്റ് വിശദാംശങ്ങൾ അപ്ഡേറ്റ് ചെയ്യേണ്ട വ്യക്തികൾക്ക്, പേയ്മെൻ്റ് വിശദാംശങ്ങൾ മാറ്റാനുള്ള ഏറ്റവും വേഗമേറിയതും എളുപ്പവുമായ മാർഗ്ഗം MyWelfare.ie-ൽ ഓൺലൈനിലാണ്.
