ഓസ്‌ട്രേലിയന്‍ ഓപ്പണ്‍ ടെന്നീസ് പുരുഷ സിംഗിള്‍സില്‍ കിരീടം ഇറ്റലിയുടെ യാനിക് സിന്നര്‍ക്ക്.

റഷ്യന്‍ താരം ഡാനില്‍ മെദ്വദേവിനെയാണ് പരാജയപ്പെടുത്തിയത്.

യാനിക് സിന്നറിന്റെ കന്നി ഓസ്‌ട്രേലിയന്‍ ഓപ്പണ്‍ കിരീടമാണിത്. ആദ്യ രണ്ട് സെറ്റുകള്‍ നഷ്ടമായ ശേഷം ശക്തമായ തിരിച്ചു വരവ് നടത്തുകയായിരുന്നു സിന്നര്‍. സ്‌കോര്‍; 3-6, 3-6, 6-4, 6-4, 6-3

ആദ്യ സെറ്റ് 6-3 ന് സ്വന്തമാക്കിയ മെദ്വദേവ് രണ്ടാം സെറ്റും 6-3നു തന്നെ നേടി. മൂന്നാം സെറ്റും നേടി വിജയിക്കാനുളള മെദ്വദേവിന്റെ ശ്രമത്തിന് സിന്നറിന്റെ പോരാട്ട വീര്യം തിരിച്ചടിയേകുകയായിരുന്നു.