സ്ലൈഗോ, അയർലൻഡ് – സ്ലൈഗോ കൗണ്ടിയിലെ എന്നിസ്ക്രോണിൽ കഴിഞ്ഞ രാത്രി വയോധികനെ മരിച്ച നിലയിൽ കണ്ടെത്തിയ സംഭവത്തിൽ ഗാർഡൈ (Gardaí) അന്വേഷണം ആരംഭിച്ചു.
80 വയസ്സിന് മുകളിലുള്ള വ്യക്തിയെയാണ് കഴിഞ്ഞ ദിവസം രാത്രി 11 മണിയോടെ എന്നിസ്ക്രോണിലെ ചർച്ച് ലെയ്നിലെ റോഡിൽ അവശനിലയിൽ നിലയിൽ കണ്ടെത്തിയത്. അൽപ്പസമയത്തിനുശേഷം അദ്ദേഹം സംഭവസ്ഥലത്ത് മരിച്ചതായി പ്രഖ്യാപിച്ചു.
സ്ലൈഗോ കോറോണർ ഫെർഗൽ കെല്ലിയെ വിവരമറിയിക്കുകയും പോസ്റ്റ്മോർട്ടം പരിശോധന ഉടൻ ക്രമീകരിക്കുകയും ചെയ്യും. പോസ്റ്റ്മോർട്ടം റിപ്പോർട്ടിന്റെ അടിസ്ഥാനത്തിലായിരിക്കും അന്വേഷണത്തിന്റെ കൂടുതൽ നടപടികൾ എന്ന് ഗാർഡൈ അറിയിച്ചു. എങ്കിലും, പ്രാഥമിക വിവരങ്ങൾ അനുസരിച്ച് മരണത്തിൽ ദുരൂഹതയൊന്നും സംശയിക്കുന്നില്ല.
അന്വേഷണവുമായി ബന്ധപ്പെട്ട് പൊതുജനങ്ങളുടെ സഹായം ഗാർഡൈ അഭ്യർത്ഥിച്ചിട്ടുണ്ട്. കഴിഞ്ഞ രാത്രി 10 മണിക്കും 11.15 നും ഇടയിൽ എന്നിസ്ക്രോൺ ചർച്ച് ലെയ്ൻ വഴിയോ സമീപ പ്രദേശങ്ങളിലോ യാത്ര ചെയ്ത ആർക്കെങ്കിലും എന്തെങ്കിലും വിവരങ്ങൾ ലഭിച്ചിട്ടുണ്ടെങ്കിൽ അറിയിക്കണമെന്ന് അഭ്യർഥിച്ചു.
പ്രത്യേകിച്ച്, ആ സമയത്ത് അതുവഴി യാത്ര ചെയ്ത വാഹനങ്ങളിൽ ഡാഷ്-കാമറ ദൃശ്യങ്ങൾ ഉള്ളവർ സ്ലൈഗോ ഗാർഡാ സ്റ്റേഷനിലോ (071 9157000), ഗാർഡാ കോൺഫിഡൻഷ്യൽ ലൈനിലോ (1800 666 111), അല്ലെങ്കിൽ അടുത്തുള്ള ഏതെങ്കിലും ഗാർഡാ സ്റ്റേഷനിലോ ബന്ധപ്പെടണമെന്ന് ഗാർഡൈ ആവശ്യപ്പെട്ടു.
